कर्णाली अञ्चलको प्रवेशद्धार भनेर चिनिने महावु लेकमा धार्मिक पर्यटनको बिस्तार गर्न सकिने प्रशस्त संभावना हुँदा हुँदै पनि यातायात लगायतको समस्याका कारण अँझै यो क्षेत्रको प्रचार प्रसार हुन सकेको छैन् ।
दैलेख मुख्य पैदलमार्ग बनेको महावु सँगै दैलेखका पंचकोशी तीर्थस्थलहरु, १५ देवल, कोतगढी लगायतका विभिन्न महत्वका बस्तुहरु अहिलेसम्म ओझेलमा परिरहेका     छन् । सरकार यस्ता ऐतिहाँसिक बस्तुहरुको प्रचार प्रसार गर्नुको साटो आफै निरिह बनेको छ । दैलेखदेखि महावु स्थानसम्म सडक यातायात पु¥याउनका लागि गा्रमिण पहुँच कार्यक्रमले विगत १३ बर्षदेखि करोडौं रकम खर्च गरिसकेको भएपनि हालसम्म सहज यातायात पुग्न सकेको छैन् ।
मनले सोचेको कुरा पुरा हुने भन्दै भगवान शिवको पुजा गर्न जनै पुर्णिमाको अघिल्लो दिनदेखि लगातार तीन दिनसम्म हजारौं भत्तजनहरुले महावुमा पुजापाठ गर्ने गर्दछन् ।
ढुंगाबाटै फुटेर शिव लिङ्ग बनेको स्थान अहिलेपनि जस्ताको तस्तै देख्न सकिने यस्ता ऐतिहाँसिक स्थलहरुलाई राज्यले अहिलेसम्म हेर्न सकेको छैन् । हुँदा हुँदा निरिह राज्यले भेरी र कर्णालीका जनताहरुलाई समेत सिमाँकनको बिषयमा पाखा लगाउने दुस्प्रयास गरेको थियो ।  महावुधामलाई धार्मिक पर्यटन सँगै अन्य पर्यटकहरुलाई सँधैभरी पुग्न सक्ने अवस्था सृजना गर्नको लागि ५ बर्षे उपयुक्त रणनीति निर्माण गरि यहाँको स्थानीय निकाय समेत अगाडी बढ्नुपर्ने देखिन्छ । निरिह सरकारको भर पर्नुभन्दा स्थानीय निकायकै बढी जिम्मेवारी होला ।